Nagpanawagan sa Kahapon Lamang Program ang isa ka 32 anyos nga babayi sa iloy sini nga nagbiya sa iya sang tatlo pa lang ini ka tuig.
Suno kay Michelle Pandacan Braquil sang Barangay Granada, Bacolod City nga may isa na karun ka anak, 29 ka tuig na sang ulihi sini nga nakaupod ang iloy nga si Editha Braquil matapos nga maglakat sa Manila agud nga magtrabaho.
Apang sumugod sadto, wala na ini makabalik ukon makahatag man lang sang contact.
Suno kay Michelle, tumandok ang mga ini sang Barangay Ilog, Kabankalan City, Negros Occidental.
Napatay naman ang amay sini nga si Bonifacio Braquil sang siyam ini ka tuig.
Ang lola sa bahin sang iloy nga gin kilala kay Erlinda Pandacan ang nag-atipan kay Michelle sumugod sadto.
Nahibaluan nga ang amay sini ang anay nagatrabaho sa hacienda samtang ang iloy ang yara naman nagapabilin sa panimalay.
Samtang naglakat naman ang iloy sini matapos nga mapatay ang utod nga lalaki sa edad nga isa ka tuig bangod sa balatian sa korason.
Sumugod sang maghalin ang iloy wala na ini nakapabatyag kag wala man nakapadala.
Kasubong man nga wala nakahibalo ang lola nahanungod sa ginpadulungan sini.
Bangod naman sa kadugayon kag lamharun nga edad, wala na madumduman ni Michelle ang itsura sang iloy.
Wala naman ang mga ini sang nabilin nga litrato sang iloy bangod makapila na nga ginbaha ang ila puluy-an.
Suno pa diri, pangabay sang lola sini nga si Editha Braquil, nga karun 76 anyos na nga makita ang anak.
Samtang luyag man ni Michelle nga magpauli ang iloy kag magpakita sa lola nga nagpadako diri.
Luyag man sang lola sini nga makaupod ang anak sa maabot nga paskwa.
Ginpabutyag man ni Michelle ang pagpalangga sa iloy kag nagapangabay nga kun diin man ang iloy, makabalik na ini sa ila nga luyo.
Sarang naman nga macontact si Michelle para sa makahatag sang impormasyon sa numero 09395988808.
