Nangin matawhay ang adlaw sang Domingo sa tatlo ka merkado publiko sa ciudad sang Bacolod apisar nga ginbatak na ang Sunday lockdown santo sa Executive Order 68 sang alkalde.
Sa interview sang Bombo Radyo kay Patrolman Dionney Tamayo, ang police personnel nga nagabantay sa Libertad Public Market, mahimo nga wala pa nakahibalo ang iban nga bumalakal gani diutay ang tawo sa Libertad Public Market kasubong man sa iban pa nga merkado.
Suno pa kay Tamayo, gin-disinfect naman sang Sabado sang merkado bilang preparasyon sa pagbukas sa Domingo nga adlaw.
Samtang tuman naman ang kalipay sang isa ka fruit vendor sa Libertad Public Market matapos mahibaluan nga mahimo na sila magbaligya sa adlaw sang Domingo bangud ginbatak sang alkalde sang Bacolod ang Sunday lockdown sa mga merkado.
Suno kay Carla Tabingo, mas maayo nga bukas ang merkado kun Domingo bangud nadugangan ang ila benta sa adlaw-adlaw.
Suno sa iya, kun luyag sang iban nga manirado para makahatag oras sa pamilya, choice naman nila ini.
Sa pihak nga bahin, nagpasalamat naman siya nga nagnegatibo ang resulta sang iya swab testing.
