Mangin prayoridad sa ginapropose nga 2021 National Budget ang angot sa proyekto sang Department of Health nga pagdugang sa bed capacity sang Corazon Locsin Montelibano Memorial Regional Hospital.
Suno kay Bacolod City Lone District Congressman Greg Gasataya nga amo man ang isa sa vice chairman sang Committee on Appropriations, ang proyekto ang natalana kuntani sa 2020 National Budget apang wala ini makahingagaw sa cut-off.
Nahibaluan nga gin-aprubahan ang layi angot sa pagsaka sang bed capacity sa regional Hospital sadtong Hunyo 2019 kag wala na maka-abot sa cut-off sang paghuman sang budget.
Sa ginpatigayon nga pre-briefing sa Committee on Appropriations, ginpadangat naman ni Gasataya ang ginsponsor nga bill nga karun isa na ka layi.
Apisar sa kabudlayan sang sitwasyon karun nga may pandemic nag commit ang DOH sa pagdugang sang bed capacity sa Regional Hospital.
Iga-apid man ang Regional Hospital sa mga foreign funded nga mga proyekto kag improvements, agud nga ma-amat-amat ang pagdugang sang capacity.
Nagikan sa 400 nga bed capacity, mangin 1,000 na ang bed capacity sang Regional Hospital santo sa Republic Act 11441.
Ang bed capacity ang nagatumod sa kadamuon sang sarang nga maakumudar sang ospital kadungan sang supesyente nga mga medical personnel nga maga-atipan sa mga ini.
Indi naman ini basta lang pagdugang sang katre kundi pagdugang man sang mga nurses, doctor kag dugang nga mga operational expenses.
Samtang apisar sa pagbag-o sang Speakership sa House of Representative, wala naman sang mangin pagbag-o sa Committee on Apropriation kag magapabilin ini bilang isa sa mga Vice Chairman.
Ginapaathag naman sini nga mas importante nga indi ma-apektuhan ang obra ilabi na ang budget sang Pungsod.
