Ginapreparahan na sang Department of Health Western Visayas ang nationwide Measles Rubella – Oral Polio Vaccine Supplemental Immunization (MR-OPV SIA) Activity nga natalana patigayunon sa rehiyon sa Pebrero 2021.
Sa interview sang Bombo Radyo kay Dr. Renilyn Reyes, pinuno sang public health development program sang DOH Region 6, ginpahayag sini nga ang nasambit nga aktibidad ang santo sa mando sang national government kag pagahiwaton ang una nga phase sa Oktubre 26 tubtob Nobyembre 25, 2020 sa Mindanao Region, Cordillera Administrative Region, Ilocos Region, Cagayan Valley, MIMAROPA kag Bicol Region.
Ang second phase naman ang patigayunon sa Pebrero 2021 kag ini ang ginalakipan sang Visayas, National Capital Region, Central Luzon kag CALABARZON.
Suno kay Reyes, yara pa lang sila karun sa planning stage kaupod ang mga local government units kag stakeholders.
Suno diri, nagamicro planning na ang mga ini agud pag-abot sang Pebrero 2021, tawhay nga amtigayon ang mass campaign para sa MR-OPV SIA.
Suno sa iya, tinutuyo sang mass campaign ang indi na magliwat ang mga vaccine preventable diseases kaangay sang Tipdas, Makayha kag Polio.
Ginalantaw man nila nga pataason ang age group apang ginatun-an pa sang mga ini ang availability sang logistics.
Nagalaom man si Reyes nga indi masudlan sang polio cases ang Western Visayas.
