Hagna nga nagatuyo magtukod sang Bacolod City General Hospital aprubado na sa Senate committee level

Aprubado na sa committee level ang Senate Bill 1647 nga nagatuyo nga magtukod sang Bacolod City General Hospital.

Madumduman nga sa committee hearing sang Committee on Health and Demography, gin-aprubahan na ang amo nga hagna nga nagatuyo nga magpatindog sang tertiary general hospital sa ciudad sang Bacolod.

Sa interview sang Bombo Radyo kay Bacolod City Lone District Congressman Greg Gasataya, himuan nalang sang committee report ang amo nga hagna agud nga maaprubahan sa second reading sa pagbalik sang session sang Senado sa Nobyembre.

Nagapasalamat naman si Gasataya sa amo nga development bangud nga kinahanglanon gid ini sang pumuluyo sa Bacolod ilabi na subong nga may ginapangatubang nga health crisis dala sang COVID-19.