Pabor ang gobernador sang Negros Occidental nga panubuon ang curfew hours sa probinsya samtang nagahilapit ang bulan sang Disyembre.
Sa interview sang Bombo Radyo kay Governor Eugenio Jose “Bong” Lacson, pabor ini sa pagpanubo sang curfew hours sa alas 12:00 sang tungang gab-i tubtob alas 4:00 sang kaagahon agud mabuligan ang ekonomiya.
Suno sa Lacson, kun mangin alas 12:00 sang tungang gab-i ang sugod sang curfew, mapahanugutan naman ang mga negosyante nga makabukas sang mas malawig nga tinion.
Apang gin-athag sini nga apisar nga mapatuman sang national IATF ang 12:00 am to 4:00 am nga curfew, kinahanglan gihapon nga sundon ang mga health protocols.
Suno sa gobernador, maskin anu ang oras sang curfew, kinahanglan gihapon nga mag-obserbar sang minimum health protocols, pagsulat sa logbook antes magsulod sa mga establishmento, pagcheck sang temperature kag paggamit sang alcohol.
