30 ka mga kaso sang coronavirus ang narekord sa Negros Occidental kahapon samtang 13 sa ciudad sang Bacolod.
Sa COVID-19 Regional Case Bulletin No. 208 nga ginpagwa sang Department of Health Western Visayas kagab-i, 137 ka mga kaso ang nagdugang sa rehiyon kun sa diin 59 ang nagikan sa Iloilo City; 30 sa Negros Occidental; 22 sa Iloilo; 13 sa Bacolod City; kag 11 sa Capiz.
Bangud diri, nagdangat na sa 15,042 ang kabug-usan nga kaso sang coronavirus sa Region 6 kun sa diin 3,052 ang aktibo.
Nagdangat naman sa 11,634 ang kabug-usan nga recoveries sa Western Visayas matapos mag-ayo ang 102 ka mga pasyente samtang ang death toll ang nagapabilin sa 356.
Sa karun, nakarekord na sang 4,646 ka mga kaso ang Bacolod City kun sa diin 507 ang aktibo; 4,021 ang nag-alayo; kag 118 ang nagtaliwan.
Nagdangat naman sa 3,986 ang kaso sang COVID-19 sa Negros Occidental kun sa diin 1,238 ang aktibo; 2,679 ang nag-alayo; kag 69 ang nagkalamatay.
