Ginpamatud-an ni Rabiya Mateo nga Basta, Ilongga… Gwapa. Ini matapos ginkoronahan si Rabiya bilang Miss Universe Philippines 2020 sa coronation day nga ginpatigayon sa Baguio City..
Si Rabiya ang tumandok sang Balasan Iloilo, 23-anyos kag nagataas sang 5’7.
Ginlutos ni Rabiya ang 45 ka mga kandidata sa pageant day..
Sa tion sang final question-and-answer, ang top 5 candidates ang ginhatagan sang duha ka mga pamangkot. Ang una nga pamangkot, ginpamangkot si Mateo nga kun maghimo siya sang bag-o nga papel nga kwarta nga may imahe sang bisan sin-o nga Filipino, buhi man ukon patay, sin o ini kag ngaa? Ikaduha naman nga pamangkot ang nangin final question-and-answer.
Nangin common question sa ila nga top 5 nga ano ang mahimo sang pageants subong nga tiempo sang krisi tuga sang pandemic.
Nahibaluan nga si Rabiya ang yara sa idalom sang beauty camp nga Aces and Queens nga iya sang Beauty-queen maker nga si Jonas Gaffud.
Lakip sa mga beauty queen nga yara sa Aces and Queens amo sanday Miss Universe 2015 Pia Wurtzbach, Miss World 2013 Megan Young, Miss Universe 2014 3rd runner-up Ariella Arida, Miss Universe 2012 1st runner-up Janine Tugonon, Miss World 1st runner-up Gwen Ruais, Miss Universe 2011 third runner-up Shamcey Supsup, kag Miss Universe 2010 4th runner-up Venus Raj.
Lakip naman sa mga runners-up amo sanday 1st runner-up: Maria Ysabella “Bella” Ysmael sang Parañaque; 2nd runner-up: Michele Gumabao sang Quezon City; 3rd runner-up: Pauline Amelinckx sang Bohol; kag 4th runner-up: Kimberly “Billie” Hakenson sang Cavite. Si Rabiya ang magatiglawas sang Pilipinas sa Miss Universe 2020.
