Ginkompirmar sang warning officer sa banwa sang Isabela, Negros Occidental nga nagsubside na ang daludo sa overflow nga nasakupan sang Barangay Amin, Barangay Cabcab kag Barangay Riverside, Isabela alas 05:00 kahapon sang hapon.
Sa interview sang Bombo Radyo kay Mr. Jeffrey Esclavia, mahimo na maagyan sang dalagko nga salakyan kaangay sang 6 wheelers truck kag canter ang overflow apang alang-alang pa sa mga salakyan nga 4 wheels panubo.
Wala naman sang nasamaran sa mga pumuluyo bangud aware na ang mga ini sang ila lugar.
May ginpaevacuate man sila kagab-i sa Hacienda Luning, Barangay May Tubig, Isabela, Negros Occidental bangud sa kahangawa sang pagbaha kadungan sang paglandfall sang Tropical Depression Quinta.
Wala man sang resistance nga natabo bangud nakaeksperyensya na sang pagbaha ang mga pumuluyo, isa na diri sang nagwaswas ang bagyong Yolanda sa lugar.
Nagpanugyan man ini sa mga pumuluyo nga mag-aligmat.
Nakacode red naman sang status nila sa karun.
