Kadungan sang bagyo, nagbubo man kaina sang aga ang premyo para sa pito ka mga tagpasakop sa fourth weekly draw sang Enhanced Swerte sa Palengke sang Bombo Radyo kag Star FM.
Nagbaton sang P3,000 nga cash kag P500 nga balor sang gift pack ang 3rd prize winner nga si Jimmy Avelino, 57 anyos sang Blk. 2, Lot 14, Palmas Del Mar, Barangay Singcang Airport, Bacolod City.
Suno kay Avelino, ibakal niya sang maintenance nga bulong kag kinahanglanon sa sulod sang balay ang kwarta nga iya nadaugan.
Samtang, wala naman sang sudlan sang kalipay ang 2nd prize winner nga si Rhona Reboton, 39 anyos sang Barangay Felisa, Bacolod City matapos magpauli nga may P4,000 nga cash kag gift pack nga balor P500.
Suno kay Reboton, ibakal niya sang bugas kag sud-an ang kwarta nga iya nadaugan.
Nagpang-agda naman ang 1st prize winner nga si Marchel Garde, 42 anyos sang Alunan Baybay, Bacolod City.
Tuman naman ang iya pagpasalamat sa Bombo Radyo kag Star FM sa P5,000 nga cash kag P500 nga gift pack nga iya nabaton.
Samtang, nagbaton naman sang consolation prizes ang tatlo ka mga tagpasakop nagikan sa Online Activation sang Enhanced Swerte sa Palengke nga nagabalor P1,500 nga cash kag balor P1,000 nga gift pack.
Mapalarun nga nagbaton sang consolation prizes sa paindis-indis sa pagdesinyo sang sari-sari store gamit ang mga proof of purchase amo ang May-May Store ni Lilibeth Fabillar sang Barangay Udtungan, Escalante City, Negros Occidental; Joy Store ni Rhea Parcon sang Blk. 10, Phase 2 NHA, Barangay Pahanocoy, Bacolod City kag Jenny Store ni Jenny Lantin sang Blk. 66, Purok San Roque 1, Barangay Handumanan, Bacolod City.
Indi naman matago ang yuhom sang major prize winner nga Biker’s Store ni Daisy Bolivar sang Purok Malipayon, Barangay Sagasa, Bago City matapos nagbaton sang P3,000 nga cash kag balor P1,000 nga gift pack.
Apisar nga na-late ini sa pagpadulong sa estasyon agud I-claim ang iya premyo, tuman naman ang iya pagpasalamat sa grasya nga nabaton.
Suno kay Bolivar, ipakay-o niya sang atop niya nga nagatulo ang kwarta nga iya nadaugan.
