Bacolod City, magapabilin sa GCQ sa bulan sang Nobyembre

Magapabilin ang ciudad sang Bacolod sa idalom sang general community quarantine sa bulan sang Nobyembre agud nga mapunggan ang paglapta sang coronavirus.

Ini ang gin-anunsyar ni Presidente Rodrigo Duterte sa iya nga televised address kaina sang aga.

Kaupod sang Bacolod ang Batangas, Iloilo City, NCR, Tacloban City, Iligan City kag Lanao del Sur.

Apang sarang man nga maka-appeal ang mga LGUs suno sa presidente.

Suno kay Duterte, ang community quarantine ang ipatuman indi agud nga mangin miserable ang kabuhi sang mga tawo kundi mahatagan sila sang proteksyon batok sa virus.