Nagpasalig si Bacolod City Vice Mayor El Cid Familiaran nga magasunod ang ciudad sa ano man nga mahisugtan sang mga local chief executive angot sa byahe sang barko sa Bacolod-Iloilo vice versa.
Nahibaluan nga sugod subong nga adlaw, unrestricted na ang travel sa tunga sang Bacolod kag Iloilo.
Suno diri, bangod parehas lang ang quarantine status, indi manami kun magkatuhay ang mga pagpatuman sang duha ka local govenrment units (LGU).
Isa sa kinalain sang Bacolod amo ang pagparehistro sa BaC-Trac system.
Suno sa bise alkalde, ang BREDCO amo ang magarequire sa mga pasahero nga mag-enroll sa application sa tinutuyo nga mapahapos ang contact tracing.
Nagpati si Familiaran nga daku ang mabulig sini bangod mapadasig ang mga tikang sa paghibalo sa mga close contact.
Apelar sini sa mga pumuluyo nga wala sang ihibalo sa teknolohiya, nga magpadulong lang sa mga Barangay bangod kabahin sa ordinansa nga mag-assist ang mga ini sa mga nasakupan nga residente.
Dugang pa ni Familiaran nga wala na sang iban pa nga requirement nga pangayuon sa mga magapadulong sa ciudad.
Pangabay sini nga amat-amat na nga mag-ayo ang sitwasyon sang ciudad sa pag-abot sang Disyembre.
