Padayunon sang bag-o nga hepe sang Valladolid Municipal Police Station ang programa sang anay hepe nga si Police Captain Joseth Cantonina.
Sa interview sang Bombo Radyo kay Police Major Wilfredo Benoman nga halin man sa EB Magalona Municipal Police Station kag sa karun nagapungko bilang bag-o nga hepe sang Valladolid Municipal Police Station, magapabilin ang programa sang nasambit nga police station kag sundon lamang sini ang mando sang headquarters kasubong ang 9 point agenda ni Police General Camilo Pancratius Cascolan kag ang mantra sang stronger Police Regional Office 6.
Nagpasalamat man si Benoman nga nakagwa na sa quarantine facility matapos nga magpositibo ini sa COVID-19.
Nagpanugyan man ini sa mga pumuluyo nga maghalong agud malayo nga matapikan sang COVID-19 bangud ini mismo ang nakaeksperyensya kun ano kabudlay ang matapikan sang balatian.
