Ginbuksan na sang local government sang San Carlos City ang ila mga borders sumugod Oktubre 31, 2020 matapos ang pila ka bulan nga strict control.
Sa impormasyon nga nakuha sang Bombo Radyo, ginpahalog na ang mga checkpoints ukon border controls sa Barangay Buluangan, Barangay Punao kag Barangay Prosperidad agud irealign ang mga forces kag makafocus sa pagpanubo sang local transmission sa ciudad.
Suno kay San Carlos City Mayor Renato Gustilo, ang nasambit nga tikang ang nahimo matapos ang konsultasyon kay retired Major General Melquiades Feliciano, Inter-Agency Task Force (IATF) Deputy Implementer for the Visayas, nga nagpadulong sa ciudad sang Oktubre 31.
Suno sa alkalde, magahimo sila sang Emergency Operations Center nga magafocus sa pagcontain sang local transmission sa ciudad.
Nagpahanumdum man ini sa mga pumuluyo nga magsunod sa mga health protocols.
Gin-athag namn ni Police Major Mark Angelo Junco, OIC sang San Carlos City Police Station nga ang paghalog sang mga borders ang wala nagapatimaan nga sarang na nga makalabay ang mga pumuluyo sa maskin ano nga oras nila gusto.
Suno diri, kinahanglan nga valid gihapon ang rason sang mga malabay ilabi na sa mga restricted nga lugar.
