Duha ka persona ang dakop sa separado nga drug buybust operation nga ginpatigayon sa probinsya sang Negros Occidental.
Nadakpan ang suspetsado nga ginkilala kay Joven Ramos, 46 anyos, driver kag residente sa Sitio Cagay, Barangay Su-ay, Himamaylan City, Negros Occidental.
Suno kay P/Maj. Romeo Vargas, hepe sa Himamaylan City Police Station, nakuha sa paghinakop sang suspetsado ang P500 nga buybust money, isa ka pink nga pouch nga naga-unod sang tatlo ka heat sealed transparent plastic sachet ang ginsuspetsuhan shabu, aluminum foil kag ang isa ka heat sealed transparent plastic sachet sang shabu nga buybust item.
Ang narecover nga shabu kay Ramos ang nagabug-at lima ka gramo nga nagabalor P87,500.
Samtang dakop naman ang ginkilala kay John Paul Higino, 27 anyos, single, residente sa Bagong Dalan, Barangay 19-A, Victorias City, Negros Occidental sa drug buybust operation nga ginpatigayon sa isa ka parkingan sa Barangay 13 sa nasambit nga ciudad.
Suno kay P/Lt. Col. Eduardo Corpuz, hepe sa Victorias City Police Station, nakuha sa paghinakop sang suspetsado ang 15 tanan ka heatsealed transparent plastic sachet sang ginasuspetsuhan shabu kalakip na ang buybust item.
Ang droga nga narecover ang ginabanta nagabug-at 0.5 grams nga nagabalor P4,300.
