Narecord sa ciudad sang Bacolod ang youngest fatality nagikan sa COVID 19 kag ini amo ang isa ka tuig nga bata nga lalaki nagikan sa Barangay 30.
Sa karon, wala pa nahibaluan kun paano natapikan sang virus ang bata.
Suno kay Bacolod City Administrator Em Legaspi-Ang, ang bata ang naka-eksperyensya sang diarrhea sang pila na ka adlaw, nga isa sa sintomas sang COVID-19 apang ulihi na ini nga nadala sa ospital.
Gindala ini sa Doctor’s Hospital sang Nobyembre 5 apang nagtaliwan tuga sang severe dehydration, diarrhea kag septic shock.
Ang pasyente ang ginpaidalom sa COVID-19 test bangod nakitaan ini sang mga sintomas.
Ang resulta sang test ang naggwa sang Nobyembre 7 matapos sang pagtaliwan sang bata.
Ang bata nga lalaki ang kabahin sang extended family nga ginabug-usan sang 13 ka miyembro.
Nagpositibo man sang gincontact trace ang amay, lolo kag tiyo sang bata kag yara sa karun sa isolation facility sang ciudad.
Dugang pa sang City Administrator nga ginpaidalum na sa lockdown ang balay sang bilog nga pamilya.
