Tuman ang kalipay sang isa ka Bacoleña nga mangin isa ka inspirasyon sang naulihi nga henerasyon matapos nga makabaton sang Qatar Woman Leader Award.
Sa Good Morning Philippines program, ginpakigbahin ni Clairevee Aya Gamboa nga ginapasalamatan sini ang pagkilala sang iya kontribusyon sa business and hospitality sector.
Si Gamboa ang naggraduate sang Hotel and Restaurant Management sa La Consolacion College Bacolod.
Nageskwela sang International Hospitality Management sa Everest University sa Orlando, Florida kag nagkuha sang kurso nga negotiations and conflict management sa Harvard Business School online.
Ginpasalamatan man sini ang mga oportunidad nga mag OJT sa Singapore bangud nakita pa sini nga maexplore pa ang iya ikasarang antes pa ini nagpadulong sa Florida, USA.
Suno kay Gamboa, nga dapat ubrahon sang maayo ang ubra bangud indi ka maawardan sa pag-ubra sang todo kundi sa outcome sang imo trabaho.
Nakatrabaho man ini sa idalom sang Japanese employer antes nakaput up sang iya kaugalingon nga negosyo.
Nakabaton man siya sang Gallup Award sa idalom sang design division sang siya ang nagtrabaho sa Singapore.
Nag-umpisa man siya sang pagmanage kag pagdesign \ restaurant business sa Singapore in partnership sa isa man ka Singaporean councilor nga nahamtang sa Raffles Hotel.
Nagpadulong man ini sa Dubai sang tion nga ginapatindog ang Burj Khalifa nga nangin kabahin sang iya consultancy carreer sang nagtrabaho siya sa idalom sang American Company.
Ginpakigbahin niya man nga nakaput-up man sila sang restaurant sa Qatar International Airport ang number one airport sa bilog nga kalibutan.
Nangin consultant man ini sang isa ka Royal Family member para sa military and Defense.
Suno pa kay Gamboa, indi imposible nga mahimo ang isa ka trabaho kun ang tawo ang may salig sa imo.
Nalipay man ini nga makashare sang iya kaalam sa nagkalain-lain nga bahin sang pungsod.
Sang damlag lang nangin co-founder si Gamboa sang Forma International, isa ka business consultancy firm kag nagexpand sa Qatar, Canada, Japan kag Turkey.
Suno kay Gamboa wala nangin upang ang pandemya agud nga makaexpand sang negosyo.
Ginpahayag man sini nga ang pagkaassertive sang mga Filipino ang nagpangibabaw kag nagaexcel ilabi na ang mga Ilongga kag Negrosanon bangud nakita niya ini sa iya mga staff.
Gina engganyo man sini ang mga OFW kag mga iban nga Filipino nga magtrabaho wisely.
Nagpanugyan man ini nga masami nga magpati sa kaugalingon kag magpadayon bisan anu pa ka budlay.
Ginpahayag man sini nga sa may luyag nga magpangayo sang advises nahanungod sa negosyo magbisita lang sa www.formaint.com.
Nahibaluan nga si Gamboa ang labing-una nga babayi nga Filipino ang makakuha sang Qatar’s Women Leader Award.
