Gin-aprubahan na sang regional interagency task force (RIATF) ang hingyo sang ciudad sang Cadiz kag banwa sang La Castellana nga moratorium sa pagpasulod sang mga locally stranded individuals.
Sa interview sang Bombo Radyo kay Dr. Zeaphard Gerhart Caelian, pinuno sang Incident Management Team Task Force COVID sa probinsya, ginpahayag sini nga gin-aprubahan sang RIATF sang tinalikdan nga Biyernes ang Resolution No. 64 series of 2020 nga napetsahan Nobyembre 13, 2020, nga nagapahanugot sa ciudad sang Cadiz nga magpatigayon sang moratorium epektibo Nobyembre 15 tubtob 30.
Samtang, Nobyembre 16 naman tubtob 21 ang implementasyon sini sa banwa sang La Castellan.
Suno kay Caelian, nakit-an man sang RIATF nga kinahanglan ini sang mga LGU bangud puno na ang mga quarantine facilities kag padayon nga nagasaka ang kaso sang COVID.
Nagpangabay naman ini sa mga constituents sang nasambit nga mga lugar nga indi anay magpauli tubtob matapos ang ginapatuman nga moratorium.
