Nagpositibo man sa COVID test ang pito ka mga empleyado sang Kabankalan City Engineer’s Office nga nakaclose contact sang nagtaliwan nga 48 anyos nga assistant city engineer sang ciudad bangud sa coronavirus disease.
Sa interview sang Bombo Radyo kay Mayor Pedro Zayco, naggwa na ang swab test result sang una nga batch nga ginswab nga nakaclose contact sa nagtaliwan.
Yara sa karon ang mga ini sa healing center sang syudad sa Kabankalan City District Hospital sa Barangay Tabugon, Kabankalan City bangud kompleto na ang pasilidad kag may yara sang maatipan sa ila nga intended para sa COVID-patients.
Natalana naman nga maggwa ang swab test result sang kapin 30 nga nalakip man sa naclose contact sang pasyente.
Nagalaom man ini nga negatibo ang 30 nga ginswab test.
Natalana naman nga ipaidalom sa swab test ang pamilya sang pito nga nagpositibo sa virus.
Indi man sini mapahayag kun pila tanan ang personnel sang City Engineer’s Office bangud dako ini nga departmento sang syudad bangud sa motorpool pa lang, may masobra na 80 ka bilog kag idugang pa ang yara sa field nga mga engineers.
