Ginkakas na ang pila ka mga check up points sa probinsya sang Negros Occidental kag ginbutang ang mga police nga nagabantay sa contact tracing team agud nga mapadasig ang paglocate sa mga naclose contact sang mga nagpositibo sa coronavirus.
Sa press conference, ginpahayag ni Negros Occidental Police Provincial Office (NOCPPO) Director Police Col.Romy Palgue nga ang mga police nga nagabantay sa mga border control sang pila ka Local Government Unit (LGU) sa probinsya sang Negros Occidental ang ginkuha na kag ginre-assign sa contact tracing team kaangay lamang sang San Carlos City border control matapos magdamo ang local cases.
Suno kay Palgue, indi naman kinahanglan sang syudad ang border control bangud ang transmission ang yara na sa sulod sang komunidad gani ginsaylo ang mga police sa contact tracing team.
Apang nagapabilin ang 24/7 nga border control point sa syudad sang Kabankalan, banwa sang Hinoba-an kag Isabela magluwas sa ginpangpull-out na bangud sa local transmission santo sa mando sang National Inter-Agency Task Force (NIATF).
