Arestado ang lider sang grupo nga nagapangawat sa ciudad sang Talisay sa buybust operation nga ginpatigayon sang mga pulis kahapon.
Suno kay Police Major Jigger Gimeno, hepe sang Talisay City Police Station, ang subject nga si Carl Angelo Mongado alyas Pakoy, 26-anyos nga nadakpan sa Purok Mahinangpanon, Barangay Zone 4A.
Matapos mabaklan sang isa ka sachet sang suspected shabu, nakuhaan pa gid si Mongado sang dugang nga duha ka sachets sang iligal nga druga nga nagabalor tanan sang P6, 800.
Magluwas sa illegal drugs, nakuhaan pa gid si Mongado sang improvised shot gun gani duha ang kaso nga ginpasaka batok sa iya.
Suno kay Gimeno, ang grupo nanday Mongado ang ginatudlo nga suspetsado sa mga kinawatay sa ciudad.
Ang ila kinawatan suno sa hepe ang ginabayluhan nila sang illegal drugs nga amo naman ang ila ginatulunga agud nga ibaligya.
