Nagpasalig ang alkalde sang ciudad sang Bacolod nga himuon prayoridad sang lokal nga gobyerno ang COVID-19 vaccine kun mangin available na ini.
Sa press conference nga ginpatigayon kahapon sang hapon, ginpahayag ni Mayor Evelio “Bing” Leonardia nga ila nahisugtan sang City Budget Officer nga ang pondo para sa bakuna ang mangin top priority sang ciudad.
Suno sa iya, handa ini nga iregard, ire-align ukon manghulam sang kwarta agud masiguro nga mabakunahan ang tanan nga taga Bacolod.
Suno sa alkalde, ang mga nagbaton sang Social Amelioration Program, miyembro sang Pantawid Pamilyang Pilipino Program (4Ps) kag mga poorest of the poor ang himuon nga prayoridad.
Madumduman nga sang Martes, ginpahayag ni vaccine czar Secretary Carlito Galvez Jr. nga lakip sa mangin prayoridad nga mga lugar amo ang National Capital Region, Cebu City, Davao City kag Bacolod City bangud sa mataas nga numero sang COVID-19 cases sa nasambit nga mga area.
Apisar nga may ginalauman nga bakuna, nag-apelar gihapon si Leoanrdia sa mga pumuluyo nga maghalong kag magbantay agud indi malatnan sang balatian.
