Ginkompirmar sang chairman sang Committee on Education sa Sangguniang Panlalawigan nga nakahatag na sila sang resolusyon sa opisina sang alkalde nga naga-authorize agud mapirmahan ang kontrata sang mga manunudlo sa Bacolod City College.
Madumduman nga nagpadangat sang reklamo sa Bombo Radyo Bacolod ang pila ka manunudlo bangud wala pa sila nakabaton sang sweldo halin sang bulan sang Setyembre.
Sa interview sang Bombo Radyo Bacolod kay Councilor Renecito Novero, indi makapirma sang kontrata ang alkalde kun wala sang authority nagikan sa SP bangud sila man ang makasuhan sang Ombusman kun indi ini mag-agi sa nagakaigo nga proseso kag majeopardize pati ang mga manunudlo gani nagahingyo ini sang malaba nga pasensya.
Matapos nga mapirmahan ang kontrata, igabalik ini sa Sangguniang Panlungsod agud nga iratify antes ibalik sa Office of the Mayor agud nga maproseso ang bayad.
Suno diri, indi man madali-dali release ang pondo bangud may mga proseso nga agyan kag 135 ka kontrata ang kinahanglan tun-an antes pirmahan.
Nagalaom man ini nga marelease na ang sweldo agud may gamiton man ang mga manunudlo sa paskwa.
Ifollow up niya man ini kag tinguhaan nga mahatag antes matapos ang tuig apang nag-agi sa nagakaigo ng proseso.
Ginpasalamatan man sini ang Bombo Radyo sa pagdala sang isyu agud man nga matalupangdan sang gobyerno.
