Malapit 600 ka mga food delivery riders ang ipaidalum sa surveillance testing para sa COVID-19 sa Bacolod Bays Center sa Sabado, Nobyembre 28.
Sa interview sang Bombo Radyo kay Executive Assistant to the Mayor Ernie Pineda, ginpahayag sini nga nakig-angot sila sa napulo tanan ka mga food deliveries sa Bacolod kag nakasumite ang mga ini sang 579 ka mga riders nga ipaidalum sa surveillance testing.
Suno kay Pineda, pool testing ang mangin approach sa mga riders kun sa diin pagahimuon ini batch by batch kag pagkatapos sang test, sarang sila gihapon nga makabalik sa ubra.
Suno diri, kun magwa na ang resulta, kun sin-o lang ang nagpositibo, amu lang ina ang icontact trace kag ibutang sa quarantine facility.
Suno diri, tinutuyo sini ang maproteksyunan indi lang ang mga customer kag mga kliyente sang mga food delivery riders kundi subong man ang ila mga pamilya kag kaupod sa ubra.
Ginakabig man ini nga oportunidad ni Pineda para sa mga riders bangud magluwas nga libre ini, mahatagan pa sila sang kasiguraduhan nga luwas sila sa virus.
