Ginalauman sang Executive Assistance to the Mayor sa syudad sang Bacolod nga magadamo subong nga adlaw ang mga katapo sang mga food deliveries nga magpaidalom sa surveillance testing sa BAYS center.
Sa interview sang Bombo Radyo kay Ernie Pineda, sa pinakaulihi nga data sini nagdangat lamang sa 81 sa 479 ka mga food delivery riders pa lamang ang nagpasakop sa mass testing.
Suno diri agud nga matumod ang mga riders nga nakapaidalom sa pool testing ang ginahatagan sang surveillance sticker agud ipapilit sa tagsa ka mga motorsiklo bilang pamatuod nga compliant sila sa surveillance testing.
Wala man sila ginpasal-utan kahapon sang iban nga nakaschedule para sa surveillance testing apang 81 pa lang ang nakasabat sa ila panawagan.
Suno kay Pineda, tinguhaan man nila nga mahandle ang mga food delivery riders agud nga makapaidalom sa surveillance testing.
Suno diri tingubon man nila padala sa Cebu ang agud nga maproseso ang sample kag mabal an kun sin o ang positibo agud maextract kag madala sa quarantine center.
Ginabanta nga sa Miyerkules ukon Hwebes maga-abot ang resulta bangud iencode pa ini antes irelease.
Ginalantaw naman nga mga Public Utility Jeepneys (PUJ) drivers naman ang ipaidalom sa surveillance testing.
Suno kay Pineda ang surveillance testing ang ginapatigayon sang syudad bilang preventive measures batok sa COVID-19.
