Ginpirmahan kahapon ni Governor Eugenio Jose “Bong” Lacson ang Executive Order No. 20-52 series of 2020 nga nagapalawig sang modified general community quarantine sa bilog nga probinsya sang Negros Occidental sa bulan sang Nobyembre.
Kadungan sini, magasugod naman subong nga adlaw ang pagpahanugot sang probinsya sang flights nagikan sa Cebu padulong Bacolod kag vice versa.
May yara sang duha ka trips kada adlaw kun sa diin sa aga magahalin ang eroplano sa Cebu padulong Bacolod kag sa hapon ini magabalik.
Disyembre 1, 8, 15, 22 kag 29 ang schedule sang flights sang Cebu Pacific samtang Disyembre 16, 23 kag 30 ang Air Asia.
Ang Philippine Airlines naman ang magabyahe sa Disyembre 2, 4, 11 kag 19.
Ini ang santo sa hingyo sang mga pumuluyo nga luyag magbalik sa Negros Occidental nagikan sa Cebu agud makaselebrar sang Paskwa.
