Ginkumpirmar sang secretary general sang Sentrong Samahan ng mga Tsuper at Operators ng Negros (SSTONE) nga 13 na tanan ka mga pasahero ang sarang nga mapasakay sang mga public utility jeepneys (PUJs) matapos ginpaidalum sa modified general community quarantine (MGCQ) ang Bacolod City sang Disyembre 1.
Sa interview sang Bombo Radyo kay SSTONE Secretary General Jessie Ortega, ginpahayag sini nga humalin sa 50% nga capacity sang mga pasahero, pagahimuon na ini nga one seat apart santo sa pagsulundan sang national inter-agency task force (NIATF) kun sa diin tag-anum-anum ang sarang nga makapungko samtang magapabilin nga isa ang sa frontseat.
Apisar sini, suno kay Ortega, madutay gihapon ang mga pasahero bangud madamo ang nadulaan sang ubra bangud sa pandemic.// Nagapabilin man suno sa iya ang pagsulundan nga pagsuksok sang face mask kag face shield kun magsakay sa mga PUJs kag ang mga drivers gihapon ang mahatagan sang penalidad kun indi ini mapatuman.
Nagapasalamat man si Ortega bangud sarang na nga makagwa ang mga senior citizen kaangay niya kag makakadto sa mga mall kag business establishments.
