50 porsyento sang test results sang surveillance testing sa mga food delivery riders, naggwa na; wala sang may nagpositibo

Ginkumpirmar ni Executive Assistant to the Mayor Ernie Pineda nga 50 porsyento na sang test results sang kabug-usan nga nagpaswab test nga mga food delivery riders ang naggwa kag wala pa sang may nagpositibo sa mga ini.

Sa interview sang Bombo Radyo Bacolod kay Pineda, iya ginpahayag nga sa kabug-usan nga 548 food delivery riders nga nagpaidalom sa RT-PCR test sang Sabado kag Domingo, wala pa sang may nagpositibo sa mga ini sa inisyal nga resulta nga naggwa.

Suno kay Pineda, posible sini pa nga hapon mahibaluan ang final test results bangud subong pa natalana nga maggwa ang nabilin nga swab test results.

Nahibaluan nga 548 ka mga riders ang nakigbahin sa test kun sa diin 81 ang nagtambong sang Sabado samtang 457 naman sang Domingo.