Ginahulat pa sang Diocese of Bacolod ang sabat sang alkalde sa ginhingyo nila nga panubuan ang curfew hours para sa palaabuton nga simbang gabi.
Ini ang kasunod sang guidelines nga ginpagwa sang Catholic Bishops Conference of the Philippines nga sa Disyembre 16 tubtub 24, ang misa para sa gab-i ang sarang nga masuguran alas-6:00 sang gab-i samtang ang misa naman sa kaagahon ang sarang nga mapatigayon alas-6:00.
Sa interview sang Bombo Radyo Bacolod kay Rev. Fr. Jonas Sumagaysay, nakadepende sa parish priest ang pagplano agud nga mapatigayon ang simbang gabi.
Suno pa diri, masunod sa gihapon ang ordinansa gani nagaadjust man sila diri.
Suno diri, may ginpatigayon ang mga kaparian nga Recollection sang Martes kag naestoryahan man nila ang mga guidelines sa patigayunon nga misa de gallo sa palaabuton nga Disyembre 16.
Isa pa sa gin-estoryahan nila ang pagsulundan nga ginpagwa sang Catholic Bishops Conference of the Philippines (CBCP) para sa pagselebrar sang Simbang Gabi sa tunga sang COVID-19 pandemic.
Sa nakaandan ang simbang gabi ang nagaumpisa alas 3:00 tubtub alas-5:00 sang kaagahon apang sa karun kinahanglan sang adjustments bangud sa pandemya.
Suno kay Father Sumagaysay, magapatigayon siya sang anticipated mass sa Parish Priest sa St. Joseph the Husband of Mary Church alas 06:00 sang gab-i sa Disyembre 15 kag alas-4:00 ukon alas-4:30 sang kaagahon sa Disyembre 16 para sa simbang gabi agud nga indi maggilinutok ang tawo kag indi malapas ang health protocols nga ginapatuman batok sa COVID-19.
Ginalantaw man sini nga mangayo man siya sang oras nga masirado ang dalan sa gwa sang parokya agud mapatuman ang social distancing kag indi maggilinutok ang mga sumilimba.
Nagpanugyan man ini sa mga sumilimba nga magsunod sa health protocols kag magdala sang facemask kag faceshield sa tion nga magpadulong sa simbahan.
