Bise alkalde sang syudad ginalantaw nga indi makaapekto sa request sang simbahan ang pagsulundan nga ginpagwa sang CBCP para sa simbang gabi

Ginpahayag ni Vice Mayor El Cid Familiaran nga nakadepende na sa Diocese kun bawion nila ang ila nga request para sa pagpanubo sang curfew hours kadungan sang simbang gabi.

Nahibaluan nga nagpadala sang tinalikdan sang sulat ang obispo sang Diocese of Bacolod sa opisina sang alkalde sang syudad agud nga maghingyo nga panubuan ang curfew hours sa alas-3:00 sang kaagahon.

Suno kay Familiaran, natalana nga magdesisyon si Mayor Evelio “Bing” Leonardia angot sa hingyo ni Bishop Patricio Buzon.

Indi man makaapekto suno sa bise alkalde ang pagsulundan nga ginpagwa sang CBCP sa ginhingyo sang obispo sa syudad para sa simbang gabi.