Patay ang AWOL nga pulis matapos makabunggo ang ginadala sini nga motorsiklo sa sugata nga tricycle sa Alijis Road, Bangga Lotte, Barangay Alijis, Bacolod City kagab-i.
Sa interview sang Bombo Radyo Bacolod kay P/Lt. Conrado Espino Jr., commander sang Bacolod Police Station 7, ginpahayag sini nga santo sa ila inisyal nga imbestigasyon, papauli na kuntani ang biktima nga si Aris John Elmission, 29-anyos kag residente sang Bakyas Encarnacion, Barangay Mansilingan nagikan sa memorial cemetery sa Barangay Alijis sang natabo ang insidente.
Suno kay Espino, nag-overtake sa isa ka SUV si Elmission nga ginapasuni naka-inom sang makahulubog nga ilimnon kag wala sini natalupangdan nga may yara siya sang sugata nga tricycle nga ginamaneho ni Jerome Brose, 26-anyos sang Hda. Edmar, Barangay Felisa.
Bangud sa kabaskog sang impact, nahulog ang biktima sa iya nga motorsiklo kag nakaangkon sang patal nga pilas nga gintunaan sang iya kamatayon.
Yara naman sa kustodiya sang Police Station 7 si Brose para sa nagakaigo nga disposisyon.
