Dead on arrival ang 29 anyos nga lalaki sa Silay City matapos ginluthang sang wala pa makilal-an nga mga suspetsado sa Sitio Pulo, Brgy. Mambulac, Silay City, Dominggo sang gab-i.
Sa impormasyon nga nakuha sang Bombo Radyo, alas 8:45 sang gab-i sang Disyembre 6 sang nag-inom ang biktima nga si John Dee Dumalaog, 29 anyos kag residente sang Brgy. Mambulac, Silay City kaupod ang duha sini ka mga abyan nga sanday Jeffrey Robles kag Michael Saguid sang nagwa sila agud magbakal sang dugang nga ilimnon.
Apang matapos ang 15 ka minutos, nakabati sila sang duha ka gunfire kag nagbalik sa lugar sang insidente.
Santo sa imbestigasyon, kaupod man nila si Sherwin Fuentes, 26 anyos kag residente sang Brgy. Mambulac Silay City, nga nagpahayag nga ginluthang sang wala makilal-an nga suspetsado si Dumalaog kag nagpalagyo sa wala mahibaluan nga direksyon.
Gilayon nga gindala sa Teresita Lopez Jalandoni Provincial Hospital ang biktima apang gindeklarar ini nga dead on arrival.
