Ginkumpirmar sang pinuno sang Bacolod Housing Authority nga magapatigayon sila sang socio-economic survey sa mga naga-istar sa sulod mismo sang Burgos Public Cemetery pananglitan nga ma-endorso na sang Punong Barangay sang Barangay Villamonte ang ila pangalan sa BHA agud matumod kun kwalipikado sila ukon indi nga magbaton sang housing sa relocation site.
Madumduman nga sugod Disyembre1, opisyal na nga ginsiraduhan ang Burgos Public Cemetery bangud nga tuman na gid ini ka gutok.
Sa interview sang Bombo Radyo Bacolod kay Victoria Parreñas, ginpahayag sini nga sarang gid maka-apply para maka-avail sang housing sa relocation site basta ma-qualify lang sila.
Suno kay Parreñas, dapat nga maghatag ang punong barangay sang pangalan sang mga naga-istar sa sulod sang patyo sa BHA.
Kun ma-endorso na ini sang punong barangay, magapatigayon sila gilayon sang socio-economic survey.
Ang ma-qualify ang pagahatagan gilayon sang requirements nga ila dapat icomply.
Nahibalaun nga kalabanan sa maka-avail sang housing sa relocation site amo ang mga yara sa danger zone kag mga ginpang-demolish nga balay nga yara sa government areas.
