Ginkumpirmar sang pinuno sang Bacolod Housing Authority nga wala sang pamilya nga nagaistar sa sulod mismo sang Burgos Public Cemetery nga kwalipikado nga hatagan sang balay sa relocation site sa Barangay Vista Alegre.
Sa interview sang Bombo Radyo Bacolod kay BHA head Victoria Parreñas, natapos na ang ginpatigayon nga socio-economic survey sa mga naga-istar sa sulod mismo sang Burgos Public Cemetery matapos nga makakuha sila sang listahan sa Punong Barangay sang Barangay Villamonte kag sa General Services Office.
Madumduman nga sugod Disyembre 1, opisyal na nga ginsiraduhan ang Burgos Public Cemetery bangud nga tuman na gid ini ka gutok gani pahalinon man diri ang mga pamilya nga nagaistar sa mga musoleyo.
Nahibalaun nga kalabanan sa maka-avail sang housing sa relocation site amo ang mga yara sa danger zone kag mga ginpang-demolish nga balay nga yara sa government areas.// Sa karon, ang mga pamilya ang wala naman sa patyo kag ginapatihan nga nagpauli na sa ila tagsa ka balay.
