Commander sang provincial incident management team, nagkumpirmar nga wala na sang badjao sa Negros Occidental

Ginkumpirmar sang commander sang Provincial Incident Management Team sang Negros Occidental nga wala na sang badjao sa probinsya.

Sa interview sang Bombo Radyo Bacolod kay Dr. Zeaphard Gerhart Caelian, wala na sang makita nga mga badjao sa mga lokalidad sa probinsya magluwas na lamang sang mga nakapamana ukon nakapangasawa sang tumandok sang probinsya.

Madumduman nga sang Sabado, ginpapauli na sa Mindanao ang 96 ka mga badjao nagikan sa ciudad sang Victorias kag 40 ka mga badjao halin sa ciudad sang Sagay.

Ginpahayag man ni Caelian nga indi man mapunggan sang probinsya kun magbalik ang mga badjao bangud may yara sila sang kinamatarong nga magtravel sa bisan diin nila luyag magpadulong.