Nagpahanumdom ang tagpamaba sang Bureau of Fire Protection (BFP) Region 6 sa mga manugbaligya kag bumalakal sang firecrackers kag iban pa nga pyrotechnic devices subong nga nagahilapit na ang Bag-ong Tuig.
Sa interview sang Bombo Radyo Bacolod kay Senior Fire Officer 3 Antonio Escobido, public information officer (PIO) sang BFP-6, ginpahayag sini nga ang mga manufacturers, sellers ukon retailers sang mga palupok ang dapat nga magsecure sang Fire Safety Inspection Certificate para sa manufacture, display kag pagbaligya kag Fire Safety Clearance naman para sa Fireworks Display.
Suno kay Escobido, nakasaad sa Republic Act 9514 ukon ang Fire Code of the Philippines, wala sang sin-o man nga maka-manufacture, store, handle ukon gamit sang ano man nga fireworks ukon pyrotechnic materials nga wala sang Fire Safety Inspection Certificate kag Fire Safety Clearance nga prerequisite sa pagkuha sang permit nagikn sa Philippine National Police.
Natalana man sila nga mag-inspeksyon sa mga designated community fireworks display areas.
Samtang, nagpanugyan man si Escobido sa publiko nga lantawon gid sang husto ang mga ginabakal nga mga palupok kun bala nakapasar ini sa regulations kag may yara sang nagakadapat nga mga seal.
