Ginkompirmar sang city administrator sang Bacolod nga mahimo na nga makabaligya ang mga vendors sa atubang sang San Sebastian Cathedral kag Bacolod Public Plaza.
Suno kay Em Ang, luyag nga hatagan sang alkalde sang syudad sang kahigayunan ang mga vendors nga makabenta sini nga bulan agud makabawi sa epekto sang pandemya sini nga tuig.
Apang kadungan sang pagbaligya sang mga vendors suno sa iya, nagakadapat lang nga sundon sa gihapon nila ang minimum health protocols agud malikawan ang paglapta sang COVID-19.
Sa pihak nga bahin, ginkompirmar man ni Ang nga may yara sang patigayunon nga opening of lights sa syudad nga natalana kuntani subong nga adlaw sang Sabado apang gin-isol ini sa Lunes bangud sa nakaschedule nga brown-out sang electric provider sang syudad.
Ginpasalamatan man ni Ang ang mga tag-iya sang establisyimento sa dalan Lacson kag Araneta sa pagbutang sang lantern nga nagasimbolo sang paglaom.
