Patay ang motorcycle rider matapos makabunggo sa center island sa Araneta St., Barangay Pahanocoy, Bacolod City alas-8:30 kagab-i.
Ang biktima ang ginkilala kay Anthony Jentilizo, 48 anyos, may-asawa kag residente sa Phase 2, NHA Village, Barangay Pahanocoy, Bacolod City.
Nagikan sa norte nga direksyon ang biktima nga padulong kag padulong sa sur nga direksyon.
Papauli na ini kuntani nagikan sa ginatrabahan nga lending company kag malapit nalang sa puluy-an sang maaksidente.
Si Jentilizo ang nakabunggo sa center island kun sa diin nagtiyog ang motorsiklo kag naglabog ang biktima kag nag-igo ang iya ulo sa gutter.
Bangud yara sa siko ang helmet sang biktima, nag-agom ini sang patal nga pilas sa ulo kag gindeklarar nga dead on the spot.
Ginpahayag sang himata sang biktima nga masami alas-6:00 pa lang sang gab-i nagapauli na ini apang ginalantaw nga nag-inum pa ini antes magpauli kagab-i.
Si Jentilizo ang may tatlo ka mga kabataan.
