Patay ang isa ka lalaki matapos nga mabun-an sang iya kaaway sa Purok Greenfield, Barangay Tangub, Bacolod City kagab-i.
Ang biktima ang ginkilala kay Clark Michael Atillano, 35 anyos, single samtang ang suspetsado ang ginkilala naman kay Freedie Lumangyao, 50 anyos, may asawa lunsay mga residente sang nasambit nga lugar.
Nagsumbaganay ang biktima kag suspetsado bangod sa daan nga dumot sa isa kag isa sang hinali nalang nga naghunos sang kutsilyo si Lumangyao kag ginbuno sang makapila ka beses si Atillano.
Ang biktima ang nag-angkon sang pilas sa nagkalain-lain nga bahin sang lawas.
Ang duha ang kaangay nga gindala sa Corazon Locsin Montelibano Memorial Regional Hospital (CLMMRH) para sa pagbulong matapos nga mag-angkon man sang buno ang suspetsado sa natuo nga paa, samtang ang biktima nga si Atillano ang gindeklarar nga dead on arrival.
