Liwat na naman nga nalakip sa finalists sang 42nd Catholic Mass Media Awards Kahapon Lamang Program sang Bombo Radyo Bacolod kun sa diin ang host amo si Bombo Jaz De Jesus Madrigal.
Ang entry nga ginpasa sa CMMA amo ang May 12 edition sang Kahapon Lamang Program kun sa diin gindul-ungan sang Philippine Coast Guard Auxillary kag team sang Bombo Radyo Bacolod ang isa ka iloy sa Hermelinda Homes, Barangay Mansilingan diri sa ciudad sang Bacolod sang pila ka kinahanglanon sa sulod sang balay samtang nagapadayon ang enhanced community quarantine sa ciudad.
Una diri, nagsulat si Jessie Pacaña, 28-anyos nga naluoy ini sa iya iloy nga si Marilou, 59-anyos bangud sang may nagpanagtag sang manok sa Hermelinda Homes, wala ini ginhatagan bangud indi ini home owner.
Nagpabutyag si Jessie sang hibubun-ot agud suno sa iya indi na maliwat ang naagyan sang iya iloy nga excited kuntani nga magbaton sang dressed chicken nagikan sa city government apang indi kuno kwalipikado.
Sang nabatian ang istorya, gilayon nga naghatag ang Philippine Coast Guard Auxillary sang groceries nga may kaupod man nga duha ka sako sang bugas, mineral water, kag cash nga P2,000 kay nanay Marilou.
Nalakip man ang mga programa sang Bombo Radyo Iloilo nga amo ang flagship station sang Bombo Radyo Philippines.
Sa Best Public Service Program, finalist ang Bombo Lifestyle.
Sa Best Counselling Program, finalist ang Kahapon Lamang.
Sa Best News Feature, finalist ang Bombo Special Report.
Magluwas sa mga programa sang Bombo Radyo Iloilo, finalist man ang mga programa sang iban pa nga Bombo Radyo kag Star Fm stations.
Sa Best News Feature,finalists ang Pista ng Itim na Nazareno kag People Living with Hope sang StarFm Manila; Feast of San Lorenzo Ruiz sang Bombo Radyo Baguio; kag, Top of the Hour News sang StarFm Roxas.
Sa Best Counselling Program, finalist man ang Recuerdos Dela Vida sang Bombo Radyo Tuguegarao.
Sa Best News Commentary,finalist ang Bombohanay Bigtime sang Bombo Radyo Baguio.
Sa Best News Program,finalist ang Bombo News and Views Morning Edition sang Bombo Radyo Koronadal; kag, Bombo News and Views Afternoon Edition sang Bombo Radyo Tacloban.
