Totally burned ang isa ka balay sa Purok 8, Brgy. Tangub, Bacolod City matapos gintupok sang kalayo kagab-i.
Sa interview sang Bombo Radyo kay Bacolod Fire Marshall Fire Chief Inspector Publio Ploteña, nabaton nila ang tawag alas 8:44 sang gab-i kag nafire-out ini alas 8:50.
Suno kay Ploteña, ang nasambit nga balay ang ginapanag-iyahan ni Romel Bahao, residente sang Negros Oriental apang ginaistaran ini sang iya hinablos.
Suno sa iya, nagwa lang ang hinablos kag nagpaligo apang pagbalik sini ginatupok na sang kalayo ang balay.
Na-overheat nga electricfan ang gintunaan sang kalayo suno sa fire marshall.
Bangud nga himo sa light materials ang puluy-an, madasig nga naglapta ang sunog kag gintupok ini.
Wala naman sang may nasamaran.
Suno kay Ploteña, ginabanta P15,000 ang balor sang damage.
