Nakadepende sa kadakuon sang eskwelahan ang mangin numero sang estudyante sa isa ka kwarto kag pagatunga-on ang mga estudyante sa duha ka grupo agud maimplementar ang one meter nga social distancing.
Suno kay Marisette Sabalucca, Provincial Division Schools Superitendent sang Department of Education-Division of Negros Occidental, may yara sang himuon nga groupings sa tagsa ka klase nga may yara sang 50 ka mga estudyante sa isa ka classroom.
May yara man sang mga gamay nga eskwelahan nga may populasyon nga 20 ka mga estudyante kag indi na ang mga ini kinahanglan nga grupuhon.
Sa pihak nga bahin, pila sa mga bagay nga ginakonsiderar sang DepEd sa pagbalik sa face-to-face nga klase amo ang eskwelahan ang dapat wala ginhimo nga quarantine facility para sa Covid cases kag kompleto ang essential facilities kaangay sang handwashing area.
Suno kay Sabalucca, Provincial Schools Superitendent sang Department of Education-Division of Negros Occidental, kabahin sang ila nga preparasyon ang pagsiguro nga may yara sang Emergency Operations Manual agud mangin giya sang mga manunudlo kag school personnel sa tion nga may yara sang mainfect nga estudyante ukon school personnel sang COVID-19 samtang ginapatigayon ang limited face-to-face classes sa mga low areas sa probinsya.
Samtang ginakabig nga pagpanghangkat sang mga manunudlo ang paghatag sang grado bangud sa modular learning apang ginpasiguro sang schools division superitendent nga may yara sang grado kag ginalantaw man sini nga dapat i-assess ang mga estudyante kun ano ang nahibaluan sang mga ini sa ginpatigayon nga modular learning.
