Magapadayon sa gihapon ang pagbiyahe sang airline companies sa pihak sang mga moratorium nga ginapatuman sang mga Local Government Units (LGUs) sa probinsya sang Negros Occidental.
Sa interview sang Bombo Radyo Bacolod kay Negros Occidental Provincial Administrator Atty. Rayfrando Diaz, wala na sang additional flights para sa probinsya subong nga Disyembre matapos 17 ka local government units ang nagpangayo na sang moratorium para sa pag-abot sang locally stranded individuals (LSIs).
Nahibaluan nga gin-aprubahan na sang Regional Inter-Agency Task Force for the Management of Emerging Infectious Diseases (IATF-EID) sang December 12 ang moratorium sa mga LSI nga magaabot sa Ilog kag Cauayan (December 20, 2020 tubtob January 3, 2021); La Carlota City (December 22, 2020 tubtob January 2, 2021); Pontevedra (Dec. 22, 2020 tubtob Enero 5, 2021); Himamaylan, Victorias kag Calatrava (December 21, 2020 tubtob January 3, 2021); Bago City (November 26, 2020 tubtob December 5, 2020); Sagay City (November 26, 2020 tubtob Dec. 10, 2020); Hinobaan ( December 15 tubtob 22, 2020); kag La Castellana ( December 22, 2020 tubto January 5, 2021).
Gin-aprubahan man sang Regional IATF-EID ang moratorium sa mga maga-abot sa probinsya humalin December 24, 25 kag 31, 2020 kag Jan. 1, 2021.
Gin-aprubahan man sang Regional IATF ang moratorium sa Bacolod City humalin sa December 21, 2020 tubtob January 3, 2021.
Ang implementasyon sang moratorium ang magapahanugot sa syudad sa pagrehabilitate sang mga quarantine facilities kag magahatag man sa mga frontliners sang pahuway sa tion sang holiday season.
