Personnel sang NOPPO, nagpositibo sa random drug test sang Disyembre 13

Ginkumpirmar sang deputy public information officer sang Negros Occidental Police Provincial Office (NOPPO) nga may isa ka police personnel nga nagpositibo sa random drug test nga ginpatigayon sang Disyembre 13.

Sa interview sang Bombo Radyo kay Police Lt. Abigael Donasco, ginpahayag sini nga magaagi pa sila sa due process kag pagahatagan sang 15 ka adlaw ang nasambit nga personnel agud ichallenge ang examinasyon.

Suno kay Donasco, sarang ini nga makapakuha sang drug test sa iban nga government testing center.

Suno sa iya, pagkatapos sang 15 ka adlaw, sarang na ang PNP nga makapasaka sang kaso.

Suno sa iya, humalin sang Nobyembre 15, isa lang ka personnel sang NOPPO ang nagpositibo sa drug test.