Lima ka mga balay ang totally-damaged kag isa naman ang partially-damaged sa nagluntad nga sunog sa Purok Kabuhi, Barangay 10, Bacolod City kaina sa aga.
Sa interview sang Bombo Radyo Bacolod kay Fire Chief Insp. Publio “Buboy” Ploteña, Bacolod City Fire Marshal, nagdangat sa anom ka mga balay ang nahalitan sang sunog kun sa diin nagsugod ini sa puluy-an ni Janet Beloya takna alas-6:18 sang aga kag na fireout alas-7:00 sang aga.
Naulamid man ang balay nanday Lilebeth Tanate, Audie La Madrid, Danny Demapanag, kag Gina Rojo.
Suno kay Ploteña, namonitor lamang sang iya mga personnel nga may gatimbuok nga aso sa amo nga lugar bangud malapit man lang ang opisina sang Bacolod City Fire Station sa Barangay 10.
Gani, gilayon nga nagresponde ang mga bombero sa area kag gintinguhaan nga mapalong ang kalayo.
Dugang pa sini nga may isa ka residente nga nagpilit sa ladder matapos gina-alegar na kuryente apang natigayon naman ini nga nakuha sang mga bombero.
May isa naman ka bombero nga nakaangkon sang gamay nga pilas sa guya.
Sa karon indi pa matumod kun sa napabay-an nga kandila gid man naghalin ang kalayo.
