Gin-anunsyar sang provincial administrator sang Negros Occidental nga sumugod subong nga adlaw, magabutang ang Provincial Health Office sang receiving area para sa mga swab samples sa Teresita Lopez Jalandoni Provincial Hospital.
Sa interview sang Bombo Radyo kay Atty. Rayfrando Diaz, ginpahayag sini nga may yara sang problema sa molecular laboratory sang nagligad nga lima ka adlaw bangud indi maayo mabasahan sang machine ang mga swab samples bangud may pila ka mga local government unit nga pagkatapos sang 48 ka oras pa gina-endroso ang mga specimen kag ini ang expire na rason kun ngaa indi na maread.
Gani suno sa iya, agud mangin madasig kag indi time consuming, magabutang sang receiving area sa provincial hospital sumugod subong nga adlaw.
Bukas ang TLJPH 24/7 suno sa iya kag alas 9:00 sang aga tubtob alas 4:30 sang hapon ang oras nga sarang sila makabaton.
Igapadala naman suno sa provincial administration ang Case Investigation Forms paagi sa email.
