Arestado ang number 8 most wanted person sa banwa sang Cauayan bangud sa kaso nga pagpanghimulos.
Sa interview sang Bombo Radyo kay Police Major Lowell Garinganao, acting chief of police sang Cauayan Muni Police Station, masobra lima ka tuig na nga nagapanago ang suspetsado nga si Edmar Alipuon, residente sang Purok 3, Brgy. Basak, Cauayan apang natigayon ini nga madakpan sa banwa sang Pontevedra sa bulig sang mga concerned citizens.
Suno kay Garinganao, may yara sang live-in partner si Alipuon sa Pontevedra kag nahibaluan nga iya man ginamolestiya ang bata nga babaye sini.
Didto nahibaluan nga may yara man siya sang warrant of arrest sa Cauayan sa kaso nga rape kag sa joint operations sang Cauayan Municipal Police Station kag Pontevedra Municipal Police Station, natigayon ini nga madakpan.
Handa naman nga magpasaka sang reklamo ang iya live in partner sa suspetsado.
Suno sa acting COP, magluwas sa nasambit nga mga kaso, may yara pa si Alipuon sang sexual abuse nga ginpanghimo sa iban nga mga babaye.
