Lalaki sa banwa sa Zamboanguita, Negros Oriental, nasapwan patay

Wala na sang kabuhi kag may pilas sa ulo sang masapwan ang isa ka 22-anyos nga lalaki sa dalan sang Brgy. Mayabon, Zamboanguita, Negros Oriental kahapon sang aga.

Sa impormasyon nga nakuha sang Bombo Radyo, alas 9:00 kahapon sang aga sang nakit-an sang mga residente ang bangkay ni Reneboy Milagrana, 22 anyos, sa national highway sang nasambit nga barangay nga nakabaklid kag may pilas ini sa ulo tuga sang luthang.

Gilayon ang mga ini nga nagtawag sang mga otoridad agud magresponde.

Sa karun, nagapadayon pa ang imbestigasyon sang kapulisan tuhoy sa insidente.