Wala sang nareport nga criminal activity ang Negros Occidental Police Provincial Office (NOPPO) sa duha ka adlaw nga pagpatigayon sang Simbang Gabi, Disyembre 16 kag 17.
Suno kay P/Lt. Abegael Donasco, deputy public information officer sang NOPPO, ang duha ka adlaw nga wala sang record sang kriminalidad ang nagapakita lang nga ginahimo sang kapulisan ang ila mga trabaho sa pagserbe kag pagprotekta sa mga pumuluyo sa probinsya.
Paathag sini nga ang kapulisan ang indi lang tagabantay sa Simbang Gabi kundi taga saway man sa mga wala naga-obserbar sang health protocols.
Apisar nga nadugangan ang ila nga responsibilidad, ginpahayag ni Donasco nga epektibo gihapon nga nagakatuman sang mga kapulisan ang ila nga mga trabaho.
Ginpakigbahin naman ni Donasco nga indi lang ang mga kapulisan kundi pati na ang simbahan ang nagasunod kag ginapatuman ang na-estoryahan sa ginpatigayon nga Church-PNP forum.
Ginpaseguro naman sini nga may mga nagabantay nga kapulisan sa kada Simbang Gabi.
Padayun naman nga ginapahanumdom ni Donasco sa mga church goers nga mag-obserbar sa health protocols kaangay sang pagsuksok sang facemask, faceshield kag social distancing.
Suno kay Donasco, agud nga malikawan nga mamultahan, mareprimand ukon mahatagan sang penalidad, mas maayo nga magsunod nalang sa protocol.
