Gin-aprubahan na sang Sangguniang Panlungsod sa Bacolod ang pagbaligya kag pagretail sang firecrackers kag pyrotechnics sa ciudad.
Sa interview sang Bombo Radyo Bacolod kay executive assistant to the Mayor Ernie Pineda, ginpahayag sini nga pwede na makabaligya kag makaretail sang mga palupok sa designated area nga nahamtang sa Pope John Paul II tower.
Dugang pa ni Pineda nga may yara naman sang rekomendasyon nga ginpagwa ang Emergency Operations Center (EOC) angot sa pagmaintain sang minimum health protocols sa baligyaan.
Suno sa iya, may yara sang memorandum order no. 123 nga ginpapanaog si Mayor Evelio “Bing” Leonardia nga ginpapanaog agud nga magpahanugot sa pagbaligya sang palupok sa designated area.
Nahibaluan nga wala sang may makabaligya sang palupok sa tiyangge bangud sa tion nga madakpan sang otoridad, may yara sang multa nga P20 mil tubtob 30 mil kag pagpapriso nga anum tubtob isa ka tuig kag makompromiso man ang ila nga business permit.
